इंग्लंडचा उदयोन्मुख फिरकी गोलंदाज जोश बेकरचे निधन

* मृत्यूचे कारण अद्याप अस्पष्ट

इंग्लंड, ३ मे (हिं.स.) : इंग्लंडच्या अवघा २० वर्षाचा उदयोन्मुख फिरकी गोलंदाज वूस्टरशायरचा जोश बेकरचे निधन झाले आहे. या बातमीने क्रीडा जगताला धक्का बसला आहे. त्याचे निधन नेमकं कशामुळे झाले, याबाबत खुलासा झालेला नाही.

जोश बेकरने याने १९ एप्रिल रोजी किडरमिन्स्टरमध्ये डरहमविरुद्ध अखेरचा सामना खेळला होता. यंदाच्या हंगामात त्यानं दोन काउंटी सामन्यात शानदार कामगिरी केली.

जोश बेकर याचा जन्म १६ मे २००३ रोजी वूस्टरशायर येथे झाला. अवघ्या दोन आठवड्यात त्याचा वाढदिवस होता. २०२१ मध्ये त्याने प्रथम श्रेणी क्रिकेटमध्ये पदार्पण केले. जोश बेकरने आतापर्यंत सर्व प्रकारातील ४७ सामने खेळले. ज्यामध्ये जोश बेकरने शानदार कामगिरी करत ७० गडी बाद केले. जोश बेकर इंग्लंडकडून अंडर १९ संघाचं प्रतिनिधित्व केले.

वूस्टरशायर क्लबचे मुख्य कार्यकारी ऍशले गिल्स म्हणाले की, जोशच्या निधनाच्या बातमीने आम्हा सर्वांना उद्ध्वस्त केले आहे. जोश एक संघ मित्रापेक्षा खूप जास्त होता. तो आमच्या क्रिकेट परिवाराचा अविभाज्य घटक होता. आम्ही सर्व त्याला खूप मिस करू. आमचे सर्व प्रेम आणि प्रार्थना जोशच्या कुटुंबियांना आणि मित्रांना आहेत.

क्लबने एका निवेदनात म्हटले आहे, फिरकी गोलंदाज म्हणून त्याच्या कौशल्यापेक्षा अधिक, तो ज्यांना भेटला त्या प्रत्येकाला तो प्रिय वाटणारा तो जीवंत आत्मा आणि उत्साह होता. त्याची तळमळ, दयाळूपणा आणि व्यावसायिकता उल्लेखनीय होती, ज्यामुळे तो त्याच्या कुटुंबासाठी आणि आमच्या टीमचा एक प्रिय सदस्य बनला. या अत्यंत कठीण काळात, क्लब जोशच्या कुटुंबाला, मित्रांना आणि सहकाऱ्यांना पाठिंबा देण्यासाठी समर्पित आहे. आम्ही आमच्या दु:खात एक आहोत आणि त्यांच्या स्मृतीचा सन्मान करण्यासाठी आम्ही वचनबद्ध आहोत की ते उल्लेखनीय व्यक्ती होते.